Сиријскиот претседател Башар ел Асад издаде декрет со кој ги помилува сите осуденици кои направиле злосторства во Сирија до денешен ден.

„Претседателот Асад издаде декрет со кој ги помилува злоделата направени до 16 април оваа година“, пренесоа агенциите.

Во рамки на декретот „смртната казна ќе биде заменета со доживотна казна тешка работа“.

Асад издаде неколку декрети за помилување од почетокот на побуната портив неговиот режим, во март 2011 година.

Последниот декрет нема да биде применет на луѓе осудени за криумчарење на оружје или криминал поврзан со дрога, но оние кои се осудени за придружување на бунтовниците ќе добијат полесни казни.

„Сиријците кои им пришле на терористички организации ќе служат само четвртина од својата казна“, наведено е во декретот.

„Одлуката не се однесува на оние кои ја избегнувале својата војна обврска“, се додава до декретот.