Во Јужна Африка размислуваат за забрана на внесување на популарниот музички инструмент на стадионот, бидејќи се почесто се користи во нереди.

Сите кои го гледаа Светското првенство во Јужна Африка во 2010 година сигурно добро се сеќаваат на дувачкиот инструмент со продорен звук, кои многумина ги нервираше за време на преносот.

Популарната вувузела наскоро би можела да замине во историјата кога е во прашање нејзината употреба на стадионите.

Раководството на јужноафриканската Премиер лига (PSL) почнало сериозно да размислува за тоа, бидејќи овие пластични труби се почесто се користат како оружје.

„Имаме правило кое забранува внесување на оружја на стадионот. Ако вувузелата станала опасна, тогаш ќе размислиме за нејзино забранување на трибините“, рече генералниот менаџер на PSL, Дерек Бланкенси.