Повеќе од 60 противници на предлог законот за истополови бракови се ставени во притвор откако се уапсени рано утринава пред Националното собрание во Париз каде што планирале да подигнат десетина шатори, осум дена пред свеченото гласање на пратениците за спорниот нацрт закон.

Демонстрантите планирале да протестираат проади нападот во сабот на младиот активист на Унијата за народно движење (UMP), позната по противењето на истополовите бракови.

Неколку стотина луѓе се собрале за време на изминатиот викенд во француската престолнина во знак на поддршка на нападниот активист, а илјада противници на законот за „брак за сите“ се организирале во голем број спекулантни операции како што е блокирање на брзата железничка или конфликт со силите на редот во петок навечер во близина на Сенатот.

Предлогот закон со кој на геј паровите им се дозволува да се венчаваат и посвојуваат деца е усвоен во петок во францускиот Сенат, а веќе од среда ќе биде разгледуван во парламентот, наместо кон крајот на мај како што беше првобитно планирано.

Гневни поради одлуката на владата да го „забрза“ парламентарниот календар, противниците на геј браковите најавиле повеќе собири во наредните недели за да продолжат да вршат притисок на извршната власт за спорниот текст на законот да се отфрли или барем да се одложи неговото разгледување.