22-годишна турчинка, која пред две години стана првата жена во светот со пресадена матка од покојна донорка е бремена - уште едно нешто што се случува за прв пат во светот, соопштија лекарите...

"Првичните истражувања од изминатите две недели се компатибилни со бременост", соопшти проф. Мустафа Унал, главен доктор на универзитетската болница Акдениз во Анталија.

Лекарите успеале успешно да имплантираат во матката на дериват Серт неколку оплодени ин витро ембриони од нејзините јајце-клетки и сперматозоиди на нејзиниот маж.

"Здравјето на пациентката е добро", изјави нејзиниот лекар. Младата жена која е родена без матка, стана во август 2011 година првата жена во светот со успешно пресадена матка. Прв обид за трансплантација во 2000 година во Саудиска Арабија преку жива донорка заврши со неуспех три месеци подоцна.

Успешното пресадување, спроведено во 2011 година од страна на тим турски лекари во Анталија, им даде надеж на илјадници жени кои не можат да имаат деца.

Една на секои 5000 жени во светот се раѓа без матка, покажуваат статистичките податоци. Бременоста на Дерија Серт е изложена на многу ризици, но ако помине нормално, младата жена треба да роди со царски рез два месеци пред редовниот термин, јавуваат турските телевизии.