Најмалку четири личности, меѓу кои се две деца, умреле како последица на тровање со храна, поради што денеска 96 луѓе се хоспитализирани во еден град западно од престолнината на Гватемала.

Како што е соопштено, жртвите јаделе овошје и зеленчук кои не биле адекватно измиени. Докторот на болницата навел дека анализите покажале дека смртта ја предизвикала бактеријата ешерихија коли.

Начелникот на болницата, Хосе Моралес изјавил дека над десетина луѓе се во болница. Тој додал дека таа бактерија се размножува во храната поради лошата хигиена.

Хулио Гервасио Рак, еден од заболените, рекол дека две деца му умреле, а дека жена му и останатите три деца му се во болница.

Според неговите зборови, вечерале броколи и јајца кои ги купиле во еден маркет.