На веб-страница findmorgan.com пишува дека родителите на дваесетгодишната девојка Morgan Harrington, понудиле 100.000 долари за информација која ќе ги доведе до нивната ќерка.

Во наградата се придружиле и членовите на "Металика", кои сумата ја качиле за уште 50 илјади долари. "Металика" исто така на својата официјална страница поставила фотографија ос исчезнатата Morgan со придружен текст: Исчезна една од нашите фанови. Morgan има плава коса, сини очи, висока е 167 центиметри, тешка 60 килограми и носела црна маица на групата Panther, црно фустанче и чизми. Со неа немала документи за идентификација ниту пак мобилен телефон.

Исто така членовите на "Металика" ги замолија сите кои имат информации за исчезнатото девојче да им пратат емаил, а побареле од фановите да ги прегледаат сопствените фотографии и видео снимки од концертот.