Во француското градче Монтрој, во предградието на Париз, во среда се одиграла вистинска драма, откако човек (36) влегол во стан на семејство од српско потекло и со часови ја држел како заложник мајката на девојката во која што е вљубен.

Човекот, за кого француските медиуми наведуваат дека е Србин, влегол во куќата на семејството на девојката и вооружен со нож, како заложник ја држел несреќната жена се додека по повеќе од три часа не интервенирале специјалците.

Тие во станот влегле преку терасата и го совладале киднаперот кој се криел во тоалетот.

La Parisien пренесува дека се работи за човек со психички проблеми кој веќе има криминално досие.

Семејството демантирало дека нивната ќерка е во било каква врска со напаѓачот.