Во Бугарија двајца младичи украле автобус, за да отидат во соседното село во дискотека.

Кражбата се случила на југот во земјата во пазарџиското село Боримечково, а младичите со автобус, кој е постар и од нив, отишле во соседното Лесчево.

Автобусот е сопственост на локална фирма, а вистинско чудо е како успеал да стигне до дестинацијата.

Младичите, откако возачот на автобусот го пријавил случајот, се уапсени во дискотеката, соопштила полицијата.

Според податоците на полицијата, тие биле доста вешти кога успеале да го украдат стариот автобус, а никој од нив немал возачка дозвола.