Популарното "Мече кое признава" се користи кога сакаме да обелодениме некоја тривијална вистина, но овој пат признанието било се само не тривијално, пренесува "Gawker". Еден корисник на Редит, под надимак Naratto со помош на мечето го признал убиството кое го извршил...

"Мојата сестра имаше дечко зависник од метамфетамин", вели Naratto во постерот, "Го убив со неговата дрога додека беше во несвест и изгледаше како да се предозирал".

Ова признание веднаш им делувало познато на љубителите на серијата "Breaking Bad", каде главниот чин е нешто слично.

"Веројатно само собира популарност", напишал некој од корисниците, "Но, идејата дека некој може само така да се извлече и да пишува за тоа на интернет е ужасна".

Останатите корисниците се согласиле и набргу ги откриле личните податоци на корисникот а модераторите подоцна ги избришале. Но, пред нив некој веќе ги пратил на FBI.

Naratto веднаш почнал да тврди дека тоа било само шега, но дека во целава приказна има и вистина, не сакајќи да признае за кој дел се работи, по што го избришил својот профил од Редит.