Жените во Уганда, кои носат мини здолништа, можат да бидат осудени да платат парична казна од 10 милиони угандјски шилинга (2 500 фунти), да лежат зад решетки до 10 години или и двете, гласи новиот предлог, пишува весникот "Daily Mail "...

Ако биде прифатен за закон новата мерка која го носи името закон за борба против порнографијата, цензори ќе гледаат претходно играни и телевизиски филмови, за да одлучат што може да биде ставено за широка употреба. Автор на законот е Симон Локодо, министер за етиката и интегритетот. По неговите зборови: "Секоја облека која ги открива интимните делови на човечкото тело, особено зоните кои имаат интимна природа, се нелегални. Сето што е над коленото е незаконски. Доколку жената носи мини здолниште, ќе ја уапсиме".

Идејата за крутите мерки беше поддржана од страна на заменик-главниот обвинител Фред Рухинди. Локондо додава дека според новите норми ѕвездите како Бијонсе или Мадона веќе нема да имаат пристап до угандијската телевизија.

Ако законот биде усвоен, тој ќе ја врати земјата во времето на диктаторот Оди Амин, кој беше забранил секси облека за дамите во Уганда. Многу угандијци се против ваквите ограничувања и изразија протест на Твитер со слоганот "Спасете ги мини здолништата!".

Нацртот наиде на отпор и во правната комисија на парламентот, според чии членови новата норма е во спротивност со гарантираните слободи со Уставот. Според парламентарците терминот порнографија се толкува премногу широко во предлог законот - како секоја културна практика, однесување или форма на комуникација покажување голи гради, колкови, задник или гениталии.

Локодо се држи на својот предлог, што според него целта е да ги брани жените од силување. Останува нејасно како би реагирал тој на евентуална појава на манифестација на активистки од Фемен во неговата татковина.