Млад британски новинар решил недела дена да живее на улица за да направи документарец за бездомниците. Веќе на третиот ден го пронашле мртов.

Ли Халпин (26) планирал да помине недела дена живеејќи на улиците на својот роден град Њукасл за потребите на документарецот за проблемите со кои се среќаваат бездомниците.

Проектот го започнал во недела, но веќе три дена подоцна младичот е најден мртов во напуштена зграда во западниот дел од градот, пишуваат британските медиуми.

Се уште не е потврдено како умрел, но се сомневаат дека умрел од хипотербија затоа што за време на ноќта температурите биле ниски.

Ден пред да се впушти во уличната авантура, младичот снимил видео кое го закачил на YouTube во кое открил дека тој проект е дел од пријавата за истражувачко новинарство и дека сака да биде пример за бестрашен новинар.

Двајца мажи се приведени поради сомнеж во поврзаноста со смртта на Ли. Се верува дека му дале дрога поради која не можел да се разбуди.