Британскиот рок музичар Марк Нофлер ги откажа концертите во Русија во знак на протест поради упадот на руските власти во организациите за човечки права.

„Поради нападот на руските власти на организациите за човечки права, меѓу кои се Amnesty International и Human Rights Watch, со жалење соопштувам дека одлучив да ги откажам најавените концерти во Москва и Санкт Петербург“, наведе познатиот музичар на својот сајт.

Поранешниот фронтмен на бендот Dire Straits ги откажа концертите кои беа закажани за 7 јуни во Москва и ден подоцна во Санкт Петербург откако руските власти извршиле претрес на канцелариите на организации кои се занимаваат со човечки права, вклучувајќи ги Amnesty International и Human Rights Watch.

„Секогаш сакав да свирам во Русија и имам голема љубов кон таа земја и нејзиниот народ. Се надевам дека моменталната атмосфера бргу ќе се промени“, напомена Нофлер.