Шпанија соопшти дека ја менува минималната возраст за склучување на брак од 14 на 16 години. Властите во Мадрид забележаа уште дека водат консултации за зголемување и на дозволената возраст за секс, која во моментот е само 13 години...
Владата на премиерот Маријано Рахои објави дека ја крева минимална возраст за брачна заедница и сексуален контакт, која во моментов е меѓу најниските во целиот свет.
Реформите се дел од обемниот план, усвоен од владата за заштита на децата од злоупотреба, напади и експлоатација. Тој ќе биде финансиран со околу 5,2 милијарди евра во следните четири години.
Шпанскиот закон им овозможува на децата да доаѓаат пред олтар со дозвола од судот уште на 14 години. Експертите стравуваат дека тоа може да поттикнува некои тинејџери да велат "да" принудно.
