Вкупно седум членови на Националниот балет на Куба, една од најпрестижните културни институции на таа земја, избегнале минатиот месец додека трупата била на турнеја во Мексико.

Шест од седум избегани танчери од Мексико преминале во САД и сега се наоѓаат во Мајами, центарот на кубанската имиграциона заедница во Америка, додека еден останал во Мексико, објавил сајтот Kafefuerte кој го водат Кубанците кои се во илегала.

Тој сајт најведува дека меѓу избеганите танчери се двајца балетани и пет балерини, на возраст меѓу 20 и 24 години. Портпаролот на Националниот балет на Куба не можел да ги потврди имињата на побегнатите танчери.

Кубанскиот Национален балет, познат по тоа што се држи до класичниот балетски стил и што „произведел“ голем број на балетски танчери од светска класа, редовно оди на светски турнеи, но за време на годините многу танчери избегаа и им се придружија на странски балетски куќи.