Кевин Волин дрогата ја добивал по пошта од Калифорнија, а потоа ја продавал во својот стан.

Поранешниот свештеник на Римокатоличката црква во Вотербари, во американската сојузна држава Конектикат, се изјаснил виновен по обвинението кое го терети дека со продажба на метамфетамин и водење на секс шоп заработил 300.000 долари.

Волин се изјаснил за виновен за поседување на метамфетамин и негова дистрибуција. Поранешниот свештеник дрогата ја добивал по пошта од Калифорнија и потоа ја продавал во својот стан.

Локалните власти исто така наведуваат дека шеесетгодишниот Волин бил сопственик на секс шоп во Норт Хевен. Волин во 2011 се повлече од местото свештеник наведувајќи како причина дека има лични проблеми и проблеми со здравствената состојба.

Пресудата на поранешниот свештеник ќе биде изречена на 25 јуни, а му се закануваат од 11 до 14 години затвор.