15-годишно американче стана првиот тинејџер со Даунов синдром кој го достигна базниот камп на Еверест, соопшти неговиот татко. Искуството имало за цел да инспирира различен однос кон лицата со посебни потреби...

Ели Реимар од Орегон го достигна логорот на височина 5364 метри на Хималаите во средината на март по 10-дневно искачување. "Дел од фокусот во тоа чекање беше да имаме барем еден човек со оштетување со нас и преку неговиот обид да ги покажеме можностите на лицата со посебни потреби", изјави неговиот татко Џастин, кој беше дел од експедицијата.

Искачувањето имало за цел, исто така, собирање на средства за фондацијата Елиша, финансирана од родителите на Ели, која работи со лицата со посебни потреби и со нивните семејства. Иако Ели е првиот тинејџер кој го достигна базниот камп, 35-годишен маж Даунов синдром од Велика Британија пред извесно време, исто така стигна до оваа точка.

дауновиот синдром според кој болниот човек има дополнителни хромозоми, резултира со одложен умствен развој, но напредокот во медицината, образованието и приопштувањето кон општеството им дозволува да живеат независно како возрасни луѓе. "Сега тој е како супер ѕвезда во училиштето", рече татко му и додаде дека Ели ја започнал својата втора година во средното училиште и посетува како вообичаените часови, така и часови по "вештини за животот". Запрашан што ќе им рече на соучениците кога се врати во училиште оваа недела, Ели одговори: "Ми се допадна базниот камп и моите нови пријатели од тимот нс алпинисти".

Оваа година се навршуваат 60 години од првото искачување на Монт Еверест, кој веќе е покорен од илјадници планинари, вклучувајќи десетици рекорди. Британскиот алпинист Том Витакер стана првиот човек со пречки кој го искачи врвот во 1998 година, откако поради сообраќајна несреќа му биле ампутирани нозете.