Претседателот на САД Барак Обама соопшти денеска дека официјално започнува новата програма за истражување на главниот мозок под назив "BRAIN Initiative"...
"Имаме шанса да го подобриме животот не на милиони, туку на милијарди луѓе на нашата планета. Затоа се залагаме со тоа. Ова е важно, тоа е иднината", изјави Обама во Белата куќа.
Во поранешна изјава на претседателството, се велеше дека истражувањето BRAIN Initiative (Brain Research through Advancing Innovative Neurotechnologies) ќе го забрза развојот и имплементирање на нови технологии кои ќе им овозможуваат на научниците да добијат динамична слика на мозокот и да го проучат процесот на интеракција меѓу одделните ќелии на големиот мозок и комплексот од нервни кола. Овие технологии ќе овозможат да се започне истражување како мозокот обработува, користи и чува голема количина на информации, како и ќе фрлат светлина врз врската помеѓу функциите на мозокот и однесувањето на човекот, се нагласува во изјавата на Белата куќа.
