Една британска фирма во Есекс им нуди на личностите кои организираат погреб за блиски личности услуги на „професионални ожалостени“.

Фирмата Rent a Mourner (Изнајми тажач) им обезбедува на клиентите лажни ожалостени, кои со своето присуство го зголемуваат бројот на луѓе на погребите.

Станува збор за професионални актери кои се специјализирани за ваква „претстава“ и кои пред да одат на погребот детално се информираат за покојникот.

Двочасовната услуга, која чини 45 фунти (53 евра), подразбира ожалостените да плачат и да разговараат со пријателите и роднините на покојниот.

Ијан Робертсон, основач на фирмата Rent a Mourner, вели дека бил инспириран од обичаите во Азија, посебно во Кина, каде при погреб се изнајмуваат тажачи.

„Стануваме се попопуларни, секоја година имаме 50% повеќе ангажмани“, истакна тој.

Оваа служба има 20 вработени професионални ожалостени.

„Ако ви се потребни нови лица, да го зголемите бројот на погребот, ние сме тука да ви помогнеме“, пишува на сајтот на оваа фирма.