Белата куќа се огласила по повод спорната снимка од последните недели која кружи по интернет на кој наводно се гледа како еден од телохранителите на претседателот од САД не е од нашата планета.

Портпаролката на Белата куќа, Кетлин Хајден изјавила дека вработувањето на телохранител кој не е од Земјата едноставно би било прескапо во време на скратување на трошоците.

„Не можам да ги потврдам наводите од ова видео, но било која програма која би подразбирала роботи или вонземјанци како телохранители на претседателот би морала да биде прекината“, иронично одговори Хајден упатувајќи ги сите љубопитни на Тајната служба.

Новата теорија за заверка изникнала по говорот на Барак Обама порано овој месец на основа на снимката забележана за време на неговиот говор пред Американско-израелскиот одбор на 4 март.