Американската Централна известувачка агенција (CIA) има систем за шпионирање на пратениците на турскиот парламент, изјави членот на Републиканската народна партија, Ердал Аксунгер.
Аксунгер, кој е во парламентарната комисија која разгледува случаите на незаконско прислушкување, рече за весникот „Акшам“ дека два километри од Анкара се наоѓа заштитена локација која ја надгледува високиот претставник на CIA, а која е поврзана со прислушкување.
Кон крајот на минатата година, турскиот премиер Реџеп Ердоган рече дека се пронајдени уреди за прислушкување во неговата куќа и канцеларија кон крајот на 2012 година.
