Во Москва паднале 65 сантиметри снег што е апсолутен рекорд за месец април, соопшти денеска меторолошката служба.

„Висината на снежниот покривач на референтната метеоролошка станица во Москва утринава беше 65 сантиметри што е за девет сантиметри повеќе отколку во 1895 и 1942 година“, објасни еден претставник на метеоролошката служба на агенцијата Интерфакс.

Додека во Москва и понатаму паѓа снег, меторолозите најавуваат дека до крајот на неделата ќе дојде до нагло топење на истиот, па температурите ќе стигнат седум до осум степени Целзиусови.