Кристофер Кнафелц не размислувал ни секунда кога видел како непознат маж паѓа на пругата на метрото. Скокнал по него и му го спасил животот.

Кристофер Кнафелц (32) чекал воз во метрото во Филаделфија во четврток кога видел маж кој зачекорил и паднал на шините. Веднаш скокнал по него за да го спаси иако знаел дека возот ќе дојде во следните неколку минути.

Со брзата реакција на надлежните железничкиот сообраќај е запрен, а Кнафелц ја држел главата на мажот во стабилна положба додека не дошле пожарникарите.

„Имав план ако дојде возот да го тргнам човекот од шините на кои лежеше“, раскажа за медиумите овој човек од Филаделфија.

Се уште не е јасно како мажот, чиј идентитет не е откриен, паднал на шините. Превезен е во болница, а лекарите велат дека е во стабилна состојба.