Во пожар кој избил во една куќа во Сан-Кентен, град во северна Франција, загинале пет деца на возраст меѓу две и десет години, соопштија денеска претставниците.

Според локалните претставници, таткото на децата се здобил само со полесни изгореници.

Се претпоставува дека пожарот, кој избил синоќа, не е предизвикан намерно.

Доцна синоќа, три личности загинале, а 13 се повредени во пожар кој избил во една седмокатница во предградието на Париз.

Пожарот бувнал на третиот спрат од напуштената зграда во која се вселиле „сквотери“. Неколку личности, бегајќи од огнената стихија, скокнале низ прозорците.

Локалните жеители наведуваат дека луѓето кои се населиле во напуштената зграда се расправале и дека пожарот избил кога еден човек фрлил некаков коктел.