Британката Џад Пекер (21) им ја раскажала на новинарите драмата на раѓање бебе тешко 6,89 килограми и долго 65 сантиметри, која се случила на 11 февруари.

Приказната за раѓањето на Џорџ Кинг дури сега стигна во медиумите, затоа што детето било шест недели во болница.

Daily Mail вели дека мајката се породувала 16 часа, дека Џорџ бил десет минути без кислород како и дека лекарите му давале мали шанси за преживување.

„Во породилната сала имаше околу 20 лекари. За време на породувањето, на Џорџ му заглавија рамењата, па настана хаос. Сите беа шокирани од неговата големина. Но, тој е вистинско мало чудо. Немавме поим дека бебето ќе биде толку големо. За среќа, се добро се заврши и сега сите тројца сме дома“, рече Џад чиј син од болнциата е пуштен по шест недели.

Бебето Џорџ Кинг сега е тешко 7,65 килограми и долго 65 сантиметри.