Чивава станала вистински херој во Канада откако и го спасила животот на својата мала сопственичка која била нападната од питбул.

Како што пренесуваат канадските медиуми, осумгодишната Џени Дерош од Чиливак, во провинцијата Британска Колумбија, си играла во дворот во својот дом кога ја нападнал питбул од соседството.

Кучето прво го гризнал девојчето за коленото, а потоа и за лицето кога интервенирала Хани, четиригодишната чивава на бабата на Џени.

Иако осум пати помала од својот противник, храброто кученце докажало дека има јуначко срце. Без двоумење излегло со питбулот „на мегдан“.

Побеснетиот питбул тогаш го пуштил девојчето и тргнал во потера по чивавата.

Слушнувајќи ги криците, сопственичката на питбулот излегла од својата куќа и некако успеала да го смири животното.

Џени, која се здобила со сериозни повреди на лицето, итно е префрлена во болница каде што е оперирана. Агресивниот питбул, во меѓувреме, е успиен.