Белгиската полиција запленила арсенал оружје кое го пронашла во куќата на осомничениот терорист, кого го убила во пукање.

Белгиските медиуми ги пренесуваат зборовите дека осомничениот, Французин со алжирско потекло, е убиен вчера откако пукал на полицајци кои барале од него да излезе од автомобилот.

Властите подоцна пронашле во неговата куќа близу Брисел арсенал од пушки и експлозиви што полицијата го објавила денеска на конференција за новинарите.

До пукање дошло на патот Брисел-Турна, град кој се наоѓа околу 80 километри југозападно од белгиската престолнина.

Францускиот министер за внатрешни работи, Мануел Валс, вели во своето соопштение дека француските и белгиските власти тесно соработувале на овој случај.