Дилер на дрога во Велика Британија доби необична казна. Тери Бенет беше прогласен за виновен за поседување на 900 грама марихуана...

Локалниот судија наредил тој да напише есеј од 5000 зборови за штетноста од дрогата и нејзиното погубно влијание врз општеството.

Судот се решил на оваа нестандардна казна, бидејќи Бенет имал здравствени проблеми со рамото и не можел да извршува општествено корисна работа.

"Пресудата беше своевиден шок за мене, бидејќи помина многу време откако го напишав својот последен есеј", изјави дилерот. Тој додаде дека во есејот треба да бидат опишани само негативните страни на марихуаната и не треба да има и најмало навестување за рехабилитација со оваа дрога.

Првично Бенет бил осуден на една година затвор условно и 240 часа општествено корисна работа, но потоа одлуката е ревидирана. Сепак дилерот има рок да го напише есејот до 4 април, во спротивно го чека затвор, јавуваат британските медиуми.