Крадци украле 3.700 шишиња врвен шампањ Жак Селос вреден 300.000 евра.

Крадците исто така украле и етикети, наведе винаријата и изрази загриженост дека мотивот на ограбувачите бил на пазарот да изнесат евтини копии.

„Оваа кражба не не загрозува, но се плашиме дека би можеле да се појават фалсификати“, се наведува во соопштението.

Шампањот Жак Селос за прв пат на пазарот се појавил во 1949 година. Крадците минатата недела за време на ноќта влегле во складиштето на винаријата во близина на Ремс и користеле детергент и дезодоранс за да ги отстранат трагите од ДНК.