Французинка вчера е уапсена поради сомнеж за чедоморство бидејќи во замрзнувачот во нејзината куќа се пронајдени тела на две доенчиња. Таа денеска призна дека ги задавила.

Жена (32), по професија келнерка, признала дека во есента 2011 и есента 2012 година ги удавила новородените момчиња во вода, им кажа на новинарите обвинителот Дени Мондон.

Доколку аутопсијата потврди дека децата се удавени, жената ќе биде обвинета за тешко убиство, бидејќи веќе еднаш била обвинета за чедоморство.

Во притвор е ставена под надзор за да ја спречат да изврши самоубиство.

Таа во 2005 година била обвинета на 15 години затвор поради убиство на новороденче три години порано. Со оглед на тоа дека тие три години ги поминала во притвор, од затвор е пуштена во 2010 година.

Нејзината мајка во тоа време исто така била обвинета за помагање на ќерка и да се ослободи од телото, кое го ставиле во вреќа и го оставиле во напуштена куќа.

Соседите ја опишале уапсената како љубезна и весела жена, која има син.