Британката Кејли Лори (14) на Facebook ја предвидела својата смрт - само 14 минути пред да настрада во сообраќајна несреќа, на својот профил напишала: „Мислам дека ќе умрам“.

Откако на својот статус напишала дека мисли дека ќе умре, таа се спротиставила на влегување во автомобилот на пријателот на татко и, Стивен Хајтер, затоа што знаела дека вози „како на трки“.

Меѓутоа, татко и ја убедил дека нема од што да се плаши, па Кејли сепак седнала во автомобилот не знаејќи дека пријателот на татко и е пијан.

Тој, набргу по заминувањето, во обид да ја дофати цигарата која му паднала на подот од автомобилот, изгубил контрола над возилото и слетал во јама од 18 метри. Девојчето загинало на лице место.

Истрагата покажала дека возачот имал двојно повеќе алкохол во крвта од дозволеното затоа што претходната вечер непрекинато пиел седум часа. На судот ја признал одговорноста за смртта на девојчето и осуден е на шест години затвор.