Вдовицата на Џон Ленон на Twitter вчера постави фотографија од крвавите очила на својот покоен сопруг.
На датумот кој би ја обележал 44 годишнината од бракот на Џон Ленон и Јоко Оно, уметничката решила на своите Twitter следбеници да им сподели морничава фотографија од крвави „ленонки“.
„Откако Џон Ленон е убиен, во Америка од огнено оружје имаат настрадано повеќе од 1.057.000 луѓе. Да го запреме бесмисленото насилство“, напиша Јоко (79).
Славниот Beatles и уметничката се венчаа на 20 март 1969 година на Гибралтар. Ленон на 8 декември 1980 година го уби на улица Марк Дејвид Чепман.
