На овој крадец му требало долго време за да се покае, но барем 30 години после криминалното дело ја направил вистинската работа...

Имено, неименуван маж приказната која се прошири низ сите светски медиуми ја започнал така што на адресата на редакцијата News 8 пратил знимливо писмо: "Барам помош да го контактирам човекот на кој му должам пари", стоело во анонимното писмо во кое авторот признал дека провалил во продавницата северно од селото Мидлвајл во Мичиген пред 30 години.

Крадецот не ги навел причините за кражбата, а во продолжение на писмото пишувало дека украл "од прилика 800 долари", но и дека 1200 пратил на адресата на локалниот шериф. Зголемениот изност е оправдано објаснет бидејќи било доплатена и камата, а кога од редакцијата го контактирале шерифот тој потврдил дека нашол плико на кое пишувало "доверливо", внатре се наоѓало писмо какво што било пратено и во редакцијата, но и споменатите пари.

Полицијата успеала да го најде сопственикот кој потврдил дека во 80-тите му е украдена споменатата сума на пари. Освен тоа, немаат намера да го осудат човекот за злосторство. Делото е застарено, а иако малку предоцна, човекот сепак собрал храброст и се извинил.

Освен тоа од писмото е сосема јасно дека човекот воопшто не е горд на своето дело: "Не можам да опишам колку ми е жал, но предолго живеев со оваа вина. Ако го пронајдете сопственикот, ве молам, кажете му дека бев глупав што го направив тоа и дека ми е жал."