Неколку кафеави мечки развиле навика да шмркаат празни буриња со керозин и потоа да паѓаат во „нирвана“.

Тие се жители на националниот парк Кронотски, а бурињата ги оставиле работниците во паркот. Керозинот се користи како за хеликоптерите кои ги користат работниците, така и за агрегатите кои произведуваат струја.

Некои од мечките отишле чекор понатаму, па почнале во потрага по „доза“ да ги напаѓаат и хеликоптерите.

При друга прилика работниците задоцниле да ги соберат бурињата, што една женска мечка го искористила за да обезбеди „сниф“.

Во резерватот има околу 700 мечки кои се сметаат за најголеми кафеави мечки на светот.