Бројот на загинати во експлозијата на малиот камион натоварен со пиротехнички средства, за време на селска прослава во Мексико, пораснал на 16.

Во несреќата се повредени околу 155 луѓе, од кои 72 личности се задржани на лекување.

Еден од сведоците рекол дека видел како „тела летаат во воздухот“, додека луѓето во паника барале скривалиште, затоа што камионот со опрема за пуштање огномет експлодирал во селото Хесус Тепактепек.

Жртвите стоеле на улица близу камионот, подготвувајќи се за прослава во чест на светецот, заштитник на селото.

На вакви прослави во Мексико огнометите се вообичаени, а несреќите се случуваат најчесто поради погрешно ракување со пиротехнички средства или непочитување на безбедносните правила.