Северна Кореја лансирала две ракети на краток домет во Јапонско море, јавија локалните јужнокорејски медиуми.

Според војните извори од Јужна Кореја, испукани се две ракети, најверојатно од типот KN-02, кои имаат домет околу 120 километри. За сега не е објавено времето на лансирање на тие проектили.

Пјонгјанг порано изјави дека се откажува од примирјето потпишано по завршување на Корејската војна 1950-53.

Американските војници, стационирани во Јужна Кореја, од понеделник имаат заедничка војна вежба со јужнокорејската армија.

Вежбата се одржува под име „Клучно решение“.