Најголемиот брод за крстарење во Европа MSC Пресиоза, подолг од Ајфеловата кула, тргна на својата прва пловидба од Сен-Назер, западна Франција, кон јужниот пристанишен град Марсеј...

Бродот Пресиоза првично е нарачан од либиската државна компанија "GNMTC" во 2010 година пред француската бродоградба компанија "STX France" да го продаде на швајцарско-италијанската компанија "MSC Cruises" пред една година, откако Либија ќе престане да плаќа поради револуцијата против убиениот водач Моамер Гадафи.

Тој е долг 333 метри, може да собере 4300 патници и 1400 членови на екипажот, има четири базени, палубата му е насликанa во црно и пурпурна и има огромни огледала пред креветите на патниците.

На церемонијата на именувањето на бродот францускиот министер за индустрија Арно Монтбур изјави дека Пресиоза е симбол на француската бродоградба. "Видете go произведенoto во Франција, погледнете колку е прекрасно", извика тој, објавувајќи државна помош од 100 милиони евра (130 милиони долари) за индустријата, вклучувајќи 80 милиони евра за проекти како бродови за крстарење кои бидат економични на гориво.

Околу 70 000 лица работат во бродоградба во Франција и тоа носи годишен обрт од 10 милијарди евра. Пресиоза е меѓу 10-те најголеми бродови во светот, но ја губи битката со компанијата Ројал Карибијан интернешенел со седиште во Мајами, која има пет поголеми бродови.