Директорот во компанијата Google, Енди Рубин, задолжен за развојот на оперативниот систем Android за смартфони и таблет компјутери, се повлече од тоа место, соопшти таа компанија.

Неочекуваното повлекување на Енди Рубин значи дека развојот на оперативниот систем Android за прв пат ќе го надгледува некој друг. Тој почнал да работи на платформата Android во 2005, која потоа ја откупил Google.

Рубин ќе биде заменет од Сундар Пичаи кој до сега го надгледуваше развојот на пребарувачот Google Chrome и оперативниот систем Chrome, наменет за интерните компјутери Chromebook.

Еден од основачите на Google, Лери Пејџ на својот блог напишал дека Рубин ќе продолжи да работи за таа компанија, но не навел во која улога.

Google во 2008 година почнал бесплатно да го дистрибуира системот Android за произведувачите на мобилни уреди. Тој оперативен систем сега се користи на повеќе од 750 типови паметни телефони и таблет компјутери, што е најмногу од сите мобилни оперативни системи.