Јапонскиот произведувач на автомобили, Honda, повлекува речиси 250.000 возила во целиот свет поради кочницата која може да се активира одненадеж.

За сега не се забележани несреќни случаи кои настанале поради тој недостаток.

Honda вчера соопшти дека повлекува речиси 183.000 возила во САД, меѓу кои моделите acura RL, acura MDX и pilota.

Повеќе од 56.000 возила се повлечени во Јапонија, и тоа моделите odyssey, legend, stepwgn и elysion.

Речиси 8.000 возила се повлечени во Канада, речиси 1.000 во Австралија, околу 300 во Мексико и 70 во Германија. Возилата се произведени во периодот од март 2004 до мај 2006.

На проблем се жалеле поединечни возачи, меѓу кои 17 од Јапонија и 1 од САД.