Римокатоличката надбискупија во Лос Анџелес ќе плати речиси 10 милиони долари за спогодба во случаите на сексуално злоставување кое го сторил поранешниот свештеник Мајкл Бејкер.

Адвокатот на црквата Мајкл Хениген ја потврди спогодбата во износ од 9,9 милиони долари, која е постигната во четирите случаи на злоставување кои ги сторил Бејкер.

За двата случаи судењето требало да започне наскоро, но постигната е спогодба.

Неодамна објавените списи покажуваат дека Бејкер се состанал со кардиналот Роџер Махони во 1986 година и признал дека речиси седум години сексуално злоставувал двајца браќа.

Махони го пратил Бејкер на лечење кај психијатар, но на крајот го вратил во служба каде тој повторно извршил сексуално злоставување.

Бејкер е осуден на злоставување на едно момче во 2007 година.

Махони моментално се наога во Рим каде помагаше во изборот на новиот папа.