Од тровање со алкохол во изминатите четири дена умреле 79 личности, а тој број би можел да биде поголем, затоа што во болницата се наоѓаат повеќе од 200 личности.

Станува збор за алкохол од домашно производство, а професионалците уште не се сигурни дали тровањето е последица на зголемената концентрација на метил алкохол или е предизвикано од лошата ферментација.

Според зборовите на високиот полициски претставник во Триполи, полковникот Махмуд ал Шарифа, се трага по двајца луѓе за кои се верува дека се вмешани во нелегално производство на алкохол.

Министерот за здраве Нури Догман кажал дека отруените луѓе почнале да доаѓаат во болницата во петокот. Некои биле слепи, некои ги носеле во состојба на кома, а на некои веќе им биле откажани бубрезите.

Починатите се стари меѓу 19 и 50 години, а меѓу жртвите има и Алжирци и Тунишани.

Произведувањето и конзумирањето алкохол во Либија го забрани поранешниот лидер Моамаер ел Гадафи и таа забрана и понатаму е во сила.