Речиси 21 тон хероин се запленети во операција во источен Авганистан, изјави денеска челникот на руската Сојузна служба за контрола на наркотици, Виктор Иванов.

Завчера е спроведена операција во покраината Нангархар за време на која се уништени неколку лаборатории за производство на дрога и запленети се речиси 21 тон хероин, кажа Иванов во Москва.

Дваесет и еден тон е годишната количина на дрога која влегува во Русија, рече Иванов за руските медиуми.

Авганистанската новинарска агенција Пајхвок јавила дека службите за безбедност уништиле пет лаборатории за производство на хероин за време на операција во подрачјето Шерзада, во источната покраина на Нангархар, во понеделник.

Тогаш неколку луѓе се уапсени, наведува агенцијата.