Тој има само 8 години, а таа 61. Сепак венчалните документи не ги потпишале и нема да живеат заедно...

Сето ова се случило во Јужна Африка каде суеверението е сеуште многу важен фактор, па до оваа бизарна венчавка дошло затоа што така им наредиле мртвите предци, иако младата е мажена и има пет деца.

На венчавката, која е само ритуал, присуствувале околу 100 поканети, а невестата откако ги размениле прстените го бакнала младоженецот.

"Среќен сум што ја оженив Хелен. Кога ќе пораснам ќе оженам девојка на мои години", рекол младоженецот Сејнал Мејселејл.

Мајката на момчето вели дека ова морало да го направат за предците да бидат среќни, а семејството просперитетно.

"Дедото на Сејнал пред смртта го замоли да се ожени, а тој ја избра Хелен затоа што ја сака. Сега тие се мирни, а овој брак секако не е важечки туку само дел од нашиот ритуал".