Фрка на Бродвеј поради разголените сцени со актерката Емилија Кларк.

Британската актерка игра на Бродвеј во претставата „Појадок кај Тифани“. Убавата бринета, која ја знаеме како принцезата Денерис од серијата „Игра на тронови“, има сцена во која ги покажува градите и задникот.

Иако во најавата на претставата пишува дека фотографирањето е строго забрането, публиката сепак не може да се воздржи, па со мобилните телефони „штракаат“ кога ќе дојде моментот Кларк да се соблече за да влезе во кадата.

„Ги потсетуваме посетителите на театарот дека е забрането фотографирањето со било какви уреди и дека секој кој ќе биде забележан да фотографира веднаш ќе биде исфрлен од салата“, соопшти театарот.

Кларк воопшто не се замара со фрката околу голотијата, затоа што целата трема ја надминала со голите сцени во серијата „Игра на тронови“.