Еден од најдобрите кошаркари на денешнината ги потврди нагаѓањата на медиумите дека во септември конечно ќе го каже судбоносното „да“ и ќе се ожени со својата љубов од средно училиште.

Откако и донесе победа на екипата на Мајами во мечот со Орландо и ја продолжи низата на 16 победи по ред, Леброн Џејмс призна дека и на Савана Бринсон на 13 септември ќе и се заколне на вечна љубов.

Парот, кој веќе има два сина, на свадбената веселба во Сан Диего ќе ги повика само најблиските пријатели и роднини.

Џејмс и Савана се во врска уште од средно училиште, а со неа се вери дури во 2011 година со прстен вреден 300.000 долари.