Реалити ѕвездата и водителка е префрлена во болница откако се онесвестила на снимањето на „Модна полиција“.

Кели Озборн (28) била на сетот E! за емисијата во која со останатите водители критикува кој што облекол, кога се срушила и онесвестила. Американскиот печат објави фотографија од најмладата ќерка на Ози Озборн во амбулантен автомобил.

Кели пред камерите паднала од столот и почнала да се тресе, па лекарите истражуваат каков напад имала.

„Им благодарам на сите за грижата и убавите желби. Лекарите се обидуваат да утврдат каков напад имав“, напиша Кели на Twitter.

Водителката и повремената пејачка три пати се лечеше од зависнот, но наводно веќе со години е трезна и чиста.