Воспитувачка во забавиште во градот Сол на западната обала на Норвешка е отпуштена од работа откако во градинката донела шишенце со нејзина крв, која им ја дала на децата да ја допираат и пробуваат.

Воспитувачка во забавиште донела примерок од својата крв, која и е извадена ден порано и ја ставила во чинија пред деца од три и шест години да ја видат.

„Децата прашале дали може да ја допрат и таа им дозволила. Децата потоа ја прашале како да ја отстранат крвта од прстот, а таа прстот го ставила во уста што го направиле и тие. Родителите беа преплашени, потресени и шокирани“, рече претставничката на забавиштето Ингер Лиса Соме Андерсен.

Според нејзините зборови, воспитувачката, која била хонорарно вработена, веднаш по инцидентот е одведена на испитувања за ХИВ/СИДА и хепатитис Б.

Резултатите уште не се објавени, но властите сметаат дека ризикот од пренес на било кое заболување е премногу мал.