Британското гратче Милтон Кинс најверојатно ќе стане првиот град на Островот, кој ќе воведе забрана за џвакање на јавни места...

Секој кој ќе биде фатен со гума за џвакање, ќе се соочи со сериозна казна. Предлогот за тоа беше даден откако властите изброиле околу 22 мастики само на еден метар квадратен на тротоарот.

Според лидерите на гратчето забраната има и позитивна страна. Ќе ги намалите трошоците за непотребното џвакање и ќе го отстраните непријатностите кои ги предизвикуваат гумите за џвакање кога ќе ја настапите и таа ќе се залепи на ѓонот од вашите обувки.

"Чистењето на секоја една мастика од цементот е неостварливо, скапо и одземаат многу време. Да не зборуваме дека е непријатно", рекоа властите во гратчето, според кои проблемот во Милтон Кинс е национален.