Банкоматот во еден бар во Сан Хуан вади пари и потврда на која пишува „Мразиме педери“.

Машината поставена во барот „Очо де бланко“ во престолнината на Порторико на муштерија уредно му дала пари и потврда на која го пишувал подигнатиот износ, преостанатиот износ на сметката, и хомофобична порака We hate fags на англиски јазик.

И барот и компанијата ATM Mobile која го поставила се оградуваат од овој необичен инцидент.

„Изгледа дека станува збор за некое непознато лице, хакер кој од надвор му пристапил на системот и ја репрограмирал машината да ја исфрлува таа порака“, кажал претседателот на компанијата ATM Mobile, Хорхе Торес.

Тој додал дека компанијата не поддржува нетолеранција на LGBT личности, и дека ќе испраша кој безбедносен пропуст довел до оваа необично случување.

LGBT активистите во Латинска Америка жестоко го осудиле „хомофобичниот банкомат“ и се заблагодариле на брзата реакција на компанијата и упатената поддршка.