Њујорчанецот Роберт Скајвел е осуден на затворска казна од 30 дена и глоба од 500 долари поради тоа што прегласно се смеел во својот стан.

Пријавата против него ја поднел соседот со кој веќе подолго време е во лоши односи.

„Не знаев дека смеата претставува кривично дело“, рекол огорчениот 42 годишен Скајвел кој живее со мајката во куќа на Лонг Ајленд.

Тој објаснил дека извесниот сосед постојано го исмева, нарекувајќи го „ретарда“, поради невролошките пореметувања од кои страда од раѓање.

„Што можам друго да правам освен да се смеам кога некој ќе ме нарече дебил?“, се прашал Скајвел.

Судијата, и покрај неговите објаснувања, одбил да ја отфрли тужбата, па така Скајвел мора да помине месец дена во затвор поради тоа што на нападите и навредите одговорил со - смеа.

Но, кој последен се смее...