Научно-едукативниот музејски центар во Неапол вчера е уништен во пожар.
Во пожарот нема жртва бидејќи во зимскиот период музејскиот комплекс е затворен во понеделник.
Четири павилјони на околу 10.000 квадратни метри и планетариумот се уништени во пожарот. Само еден павилјон во рамки на музејот не е оштетен.
Не е познато што го предизвикало пожарот, а материјалната штета е голема затоа што сите експонати во павилјоните изгореле.
Музејскиот комплекс во Неапол е отворен во 1996 година по модел на Музејот за наука и индустрија во Париз. Во просек имал околу 350.000 посетители годишно.
